![](img/news/29/04/10/default.jpg)
ՌԴ նախագահ Վլադիմիր Պուտինն ու Բելառուսի առաջնորդ Ալեքսանդր Լուկաշենկոն քննարկել են Բելառուսում ՌԴ ավիաբազայի տեղակայման հարցը, որը կքննարկվի նաեւ Աստանայում։ Այս մասին հայտնել է ՌԴ նախագահի մամուլի խոսնակ Դմիտրի Պեսկովը
«Նախագահները քննարկել են այդ թեմայի տարբեր բնագավառները։ Այս քննարկումը կառուցողական ոգով կշարունակվի Ղազախստանում, որտեղ նախագահները կհանդիպեն ԱՊՀ գագաթնաժողովի շրջանակներում»,- ասել է Պեսկովը լրագրողներին, փոխանցում է «ՌԻԱ Նովոստի»-ն։
Կրեմլի մամուլի ծառայությունից հայտնել են, որ Պուտինը Ղազախստան կմեկնի հոկտեմբերի 15-16ը։ Աստանայում նա մասնակցելու է ԱՊՀ ղեկավարների խորհրդի եւ Եվրասիական տնտեսական բարձրագույն խորհրդի նիստերին։