Թուրքիայի վարչապետ Ահմեդ Դավութօղլուի՝ Անկարայի պայթյունի հետ կապված հայտարարությունը սոցցանցերում ծիծաղի առիթ է դարձել։

Թուրքիայի վարչապետը, խոսելով հոկտեմբերի 10-ին Անկարայում մահապարտ-ահաբեկիչների կողմից իրականացրած պայթյուններին, հայտարարել է, թե իրենք ունեն Թուրքիայում գտնվող բոլոր մահապարտ ահաբեկիչների ցանկը, բայց մինչեւ նրանք ահաբեկչություն չիրականացնեն, ոստիկանները չեն կարող ձերբակալել։ «Ինչպես կարող ենք մարդուն առանց հանցանքի ձերբակալել»-, ասել է Դավութօղլուն։

Հիշեցնենք, որ Թուրքիայի մայրաքաղաք Անկարայում 2015թ. հոկտեմբերի 10-ի առավոտյան արհմիությունների կազմակերպած Խաղաղության հանրահավաքի ժամանակ տեղի են ունեցել հզոր պայթյուններ, որոնց հետեւանքով զոհվել է առնվազն 97, վիրավորվել 246 քաղաքացի: