Սիրիայի հարցով բարձր մակարդակի բանակցություններում Ռուսաստանը կներկայացնի այդ երկրի վարչապետ Դմիտրի Մեդվեդեւը: ՌԻԱ Նովոստիի փոխանցմամբ, այս մասին հայտարարել է ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը:
«Դա պետության ղեկավարի ընտրությունն է»,- հայտարարել է Պեսկովը: Ծրագրվում է բանակցություններն անցկացնել ԱՄՆ-ի մասնակցությամբ:
Պեսկովի խոսքով, Ռուսաստանը կներկայացնի Մեդվեդեւը, քանի որ բանակցություններում ԱԳ նախարարից ավելի բարձր պաշտոն զբաղեցնող ներկայացուցիչ է անհրաժեշտ: