Հայաստանում ռուսական ռազմակայանի մասին Երեւանում ստորագրված համաձայնագիրն ուղղված է կովկասյան տարածաշրջանում խաղաղության եւ կայունության հաստատմանը, հայտարարել է Ադրբեջանում պաշտոնական այցով գտնվող ՌԴ նախագահ Դմիտրի Մեդվեդեւը։
«Մենք շահագրգռված ենք, որ այստեղ խաղաղություն եւ կարգուկանոն տիրի, այդպես էլ պետք է ընկալել ռազմակայանի մասին պայմանագիրը»,- ասել է Մեդվեդեւը։ «Հայաստանում ռուսական ռազմակայանի մասին պայմանագիրը մեկ բան է նշանակում, որ բազայի ժամկետը կերկարաձգվի մի քանի տարով»,- ավելացրել է նա։
Հիշեցնենք, որ Հայաստանում ռուսական ռազմաբազայի ժամկետը երկարաձգվել է 49 տարով։