Անտուրք ինտերնետ առեւտրի շեմը 1000 եվրոյից 150 եվրո դարձնելու մասին Եվրասիական տնտեսական հանձնաժողովի առաջարկները չեն ընդունվել ԵՏՄ երկրների կողմից։ Այս մասին լրագրողներին հայտնել է տնտեսական զարգացման առաջին փոխնախարար Ալեքսեյ Լիխաչյովը։ «Նախօրեին կայացած նիստում որոշում չի կայացվել։ Հավանաբար հարցը նորից կքննարկվի դեկտեմբերի 2-ին։ ԵՏՀ առաջարկներն աջակցություն չեն ստացել կողմերից ոչ մեկի կողմից»,- մեջբերում է Լիխաչյովի խոսքը ՏԱՍՍ-ը։

Նշենք, որ ավելի վաղ «Վեդոմոստի» եւ «Կոմերսանտ» թերթերը գրում էին, որ ԵՏՀ խորհրդի աշխատանքային խումբը 2 նախագիծ է մշակել անտուրք ինտերնետ առեւտրի շեմը նվազեցնելու հարցով։

Առաջին նախագիծը նախատեսում է 1 կգ-ից թեթեւ եւ 22 եվրոյից էժան ապրանքներն ազատել մաքսային վճարումներից։ Ծանրոցները, որոնք մտնում են  22-150 եվրո արժողությամբ եւ 1-10 կգ քաշ ունեցող ապրանքների կարգը, պետք է ենթակա լինեն 15 եվրո տուրքի։ Եվ ապրանքները, որոնց արժեքը 150 եվրոյից  բարձր է, իսկ քաշը գերազանցում է 10 կգ-ը, պետք է մաքսազերծվեն 15 եվրո + մաքսային արժեքի 30 տոկոս գնով։

Երկրորդ նախագիծը մի փոքր տարբերվում է առաջինից։ Այս տարբերակի համաձայն՝ 150 եվրոյից էժան եւ 10 կգ-ից թեթեւ ապրանքները ենթակա են հարկման 10 եվրոյի չափով։ Եթե Մաքսային արժեքը գերազանցում է 150 եվրոն, իսկ քաշը՝ 10 կգ-ն, հարկումը կազմում է 10 եվրո+ մաքսային արժեքի 30 տոկոսը։