![](img/news/29/80/46/default.jpg)
Արգենտինայում նոյեմբերի 22-ին կայացած նախագահական ընտրություններում հաղթած Մաուրիսիո Մակրին երկար ժամանակ է՝ աջակցում է Հայոց ցեղասպանության ճանաչմանը ոչ միայն Արգենտինայում, այլեւ ամբողջ աշխարհում: Այս մասին հաղորդում է Prensa Armenia պարբերականը:
Բուենոս Այրեսի կառավարության ղեկավար աշխատելու տարիներին Մակրին արգելել էր քաղաքում տեղադրել Մուստաֆա Քեմալ Աթաթուրքի կիսանդրին, ինչից հետո Էրդողանը չեղյալ հայտարարեց իր պաշտոնական այցն Արգենտինա:
2012թ. Երեւան կատարած այցի ժամանակ Մաուրիսիո Մակրին այցելել է Հայոց ցեղասպանության թանգարան: 2015թ. ապրիլին Մակրին իր ֆեյսբուքյան էջում հարգել է Հայոց ցեղասպանության զոհերի հիշատակը:
«Հայոց ցեղասպանության 100-րդ տարելից. ես չեմ մոռանում ձեզ»,- գրել է նա իր ֆեյսբուքյան էջում:
Նշենք, որ Մակրին հավաքել է ձայների 53.2%-ը, իսկ իշխող «Հաղթանակի ճակատ» դաշինքի թեկնածու Դանիել Սցիոլին՝ 46.7%-ը: