Ռուսական «Սու-24» ռմբակոծիչի հետ կապված միջոդեպը, որը խոցվել է թուրք-սիրիական սահմանին թուրքական օդուժի կողմից, կտրուկ կհարվածի երկեր երկրների տնտեսական հարաբերություններին: Ռուսաստանը մտադիր է վերանայել իր մասնակցությունը շատ նախագծերում, որոնցից մի քանիսը տարիներով կսառեցվեն, իսկ մի քանիսն էլ կդադարեցվեն: Այս մասին գրում է «Կոմերսանտը»՝ վկայակոչելով Ռուսաստանի պետական բարձրագույն կառույցների պաշտոնյաներին եւ առաջատար պետական ընկերություններին:
Սառեցման ենթակա նախագծերի շարքում նշվում է «Թուրքական հոսք» գազատարը, ինչպես նաեւ Թուրքիայում «Աքքույու» ատոմակայանի կառուցումը, որով զբաղվում է «Ռոսատոմը»:
Պարբերականը նշում է, որ եթե «Թուրքական հոսքը» առանց «Սու-24»-ի միջադեպի էլ հարցականի տակ էր, ապա ատոմակայանի նախագիծը հաստատվել էր, որի շինարարությանը վերաբերող փաստաթղթերի մեծ մասը ստորագրվել էին:
Ավելին, թուրքական կողմը մեծ հուսյեր էր կապում այդ նախագծի հետ, քանի որ այդ երկրում էլեկտրականության պահանջարկն աճում է:
Թուրքիայում ատոմակայան կառուցելւ նախագծի արժեքը գնահատվում է 22 մլրդ դոլար: Առաջին բլոկը նախատեսվում էր շահագործման հանձնել 2022 թվականին:
