Ամերիկյան միլիարդատեր Բիլ Գեյթսը պատմության մեջ ամենախոշոր հիմնադրամը կստեղծի՝ ներդրումներ անելով մաքուր էներգետիկայի ոլորտում հետազոտությունների եւ մշակումների համար:

ClimateWire-ի փոխանցմամբ, իր ծրագրերի մասին Գեյթսը կարող է հայտարարել նոյեմբերի 30-ին Փարիզում բացվող կլիմայի խնդիրներին նվիրված համաժողովի ժամանակ: Մի շարք զարգացող եւ զարգացած երկրներ, այդ թվում՝ Հնդկաստանն ու ԱՄՆ-ն, համաձայնել են կրկնապատկել «կանաչ» էներգետիկայի ոլորտում տեխնոլոգիաների զարգացման համար ներդրումները:

Ըստ Lenta.ru-ի, Գեյթսն ու այլ միլիարդատերեր պատրաստ են սեփական միջոցները ներդնել:

ClimateWire-ի տվյալներով, ներկայում ԱՄՆ-ն «կանաչ» էներգետիկայի ոլորտում հետազոտությունների եւ մշակումների համար տարեկան շուրջ 5 մլրդ դոլար է ծախսում: