Մեծ Բրիտանիայի հետախուզական հատուկ ծառայությունը GCHQ (Կառավարական  կապի կենտրոն) խոստովանել է, որ լրտեսել է օգտատերերի էլեկտրոնային սարքավորումները, փոխանցում է Gazeta-ն՝ վկայակոչելով Financial Times-ը։

Կենտրոնը ինտերնետ մատակարարների եւ Privacy International կազմակերպության ներկայացրած հայցի պատասխանող կողմն է։

Հայցվոր կողմի հաղորդմամբ նախադատական ընթացակարգում պաշտոնյաները հրաժարվում էին հաստատել, որ դիմել են նման մեթոդների։

Իշխանություններն իրենց հերթին նշում են, որ երբեմն դա արմատականների գործունեության մասին տեղեկություններ հավաքելու միակ միջոցն է։