![](img/news/29/95/41/default.jpg)
Թուրքիայի դեմ Ռուսաստանի տնտեսական պատժամիջոցները կապված են ահաբեկչական աճող սպառնալիքի հետ եւ կանխարգելիչ բնույթ են կրում: Այդ մասին ասել է Ռուսաստանի նախագահի մամուլի խոսնակ Դմիտրի Պեսկովը` պատասխանելով այն հարցին, թե Ռուսաստանն ինչու է ասում, թե իր նկատմամբ պատժամիջոցներով ճնշում գործադրելու մեխանիզմն արդյունավետ չէ, սակայն ինքը տնտեսական սահմանափակումներ է մտցնում Թուրքիայի դեմ, տեղեկացնում է ՏԱՍՍ-ը:
«Ինչպես արդեն ընդգծվել է, այդ միջոցները մեծ մասամբ կապված են ահաբեկչական աճող սպառնալիքի հետ, դրանք մեծ մասամբ կանխարգելիչ բնույթ ունեն ահաբեկչական սպառնալիքի ֆոնի վրա: Դրանով տարբերվում են այն պատժամիջոցներից, որոնք կիրառվում են Ռուսաստանի հանդեպ», - ասել է Պեսկովը: