«Իսլամական պետությունը» Իրաքում եւ Սիրիայում գրաված հողերում արդյունահանվող նավթը վաճառում է Թուրքիային։ Նման հայտարարություն է արել Իրանի նավթի, գազի եւ նավթաքիմիական արտադրանքների արտահանողների միության նախագահ Հասան Տաջիկը։
Թուրքական Cumhuriyet պարբերականի փոխանցմամբ՝ Հասան Տաջիկը Թեհրանում կազմակերպված մամուլի ասուլիսի ժամանակ հայտարարել է, թե Թուրքիան նավթի մի մասը գնում է «Իսլամական պետությունից»։
«Օրական 700-ից 800 հազար բարել նավթ «Իսլամական պետությունը» կես գնով վաճառում է Թուրքիային»,-ասել է Իրանի նավթի, գազի եւ նավթաքիմիական արտադրանքների արտահանողների միության նախագահ Հասան Տաջիկը։
