Ռուսաստանցիները բացասաբար են արձագանքել Սիրիայում ռուսական ռազմական ինքնաթիռի խոցմանը. երկրի քաղաքացիների 73%-ը սկսել է վատ վերաբերվել Թուրքիային, իսկ 94%-ը չի պատրաստվում առաջիկայում այդ երկրում արձակուրդ անցկացնել: Այսպիսին են Հետազոտությունների համառուսական կենտրոնի հարցման արդյունքները:
Նոյեմբերի 28-29-ին Ռուսաստանի 46 շրջաններում անցկացված հարցման արդյունքներով, «փոխվե՞լ է, արդյոք, Ձեր վերաբերմունքը Թուրքիայի հանդեպ» հարցին հարցվածների 58%-ն ընտրել է «վատացել է» տարբերակը: Միայն 4%-ն է դժվարացել պատասխանել:
Ըստ «Ռուսկայա պլանետա»-ի, հարցված ռուսաստանցիների միայն 2%-ն է նշել, որ ապագայում արձակուրդ կանցկացնի թուրքական հանգստավայրերում, սակայն դեռեւս չգիտի, թե երբ դա տեղի կունենա: