Թուրքիայի քրդաբնակ Դիարբեքիրում ոստիկանությունը մարտական փամփուշտներով կրակում է փողոց դուրս գալու արգելքի ու բռնությունների դեմ դուրս եկած ցուցարարների վրա։

Քրդական ANF գործակալության փոխանցմամբ՝ դեկտեմբերի 13-ին Դիարբեքիրի Սուրի շրջանում ոստիկանները սպանել են եւս 2 ցուցարարի։ Ոստիկանների կրակոցներից 3 հոգու վիրավորված տեղափոխել են հիվանդանոց։

Սուրի շրջանում փողոց դուրս գալու արգելքի տակ քրդերի կոտորածի դեմ դուրս եկած Դիարբեքիրի մյուս շրջանների բնակիչների դեմ ոստիկանությունը կրակում է մարտական փամփուշտներով ու բիրտ ուժ կիրառում։

Փլատակների վերածված Սուրի շրջանից քրդերը զանգվածաբար հեռանում են իրենց հետ վերցնելով անհրաժեշտ իրերը։