Անկասկած, Իսրայել պետությունն ու ժողովուրդը Թուրքիայի բարեկամն են։ Նման հայտարարություն է արել Թուրքիայի իշխող «Արդարություն եւ զարգացում» կուսակցության մամուլի խոսնակ Օմեր Չելիքը։

Թուրքական Nokta պարբերականի փոխանցմամբ՝ Օմեր Չելիքը շեշտել է, թե մինչ այժմ Իսրայելի հասցեին Թուրքիայի քննադատություններն ուղղված են եղել Իսրայելի կառավարության չափից ավել խիստ քաղաքականությանը։ Նա հաստատել է, թե Թուրքիան աշխատում է Իսրայելի հետ հարաբերությունները կարգավորող փաստաթղթի վրա։

Թուրքիայում այս հայտարարությունը մեծ արձագանք է գտել։ Սոցկայքերում հեգնում են, որ հենց ՌԴ-ի հետ լարվածությունն ի հայտ եկավ, Թուրքիայի «թշնամի» Իսրայելն արդեն դարձավ Թուրքիայի «բարեկամ»։