Գերմանիան Թուրքիայի նախարարների կաբինետի անդամների հետ միջկառավարական խորհրդակցությունների ժամանակ կանդրադառնա նաեւ քրդերի նկատմամբ Անկարայի քաղաքականությանը եւ այդ երկրում մամուլի ազատության հարցերին: Այս մասին հայտնել է Գերմանիայի կանցնել Անգելա Մերկելը, փոխանցում է ՏԱՍՍ-ը:
«Եթե մենք զրուցելու ենք, ապա զրուցելու ենք բոլոր հարցերով, եւ բնականաբար խոսք կլինի նաեւ խոսքի ազատության մասին», - ասել է Մերկելը:
Բացի այդ նա նշել է, որ քննարկվելու է նաեւ քրդական հարցը: «Եկող շաբաթ կայանալիք միջկառավարական խորհրդակցությունների ժամանակ անդրադարձ կկատարենք նաեւ քաղաքական գործընթացը վերականգնելու հնարավորություններին: Բնականաբար Թուրքիան իրավունք ունի պատասխանել Քրդական բանվորական կուսակցության ահաբեկչական գործողություններին, սակայն պետք է ուշադրություն դարձնել այն հանգամանքին, որ քուրդ բնակչությունն իսկապես զարգանալու հնարավորություններ ունենա», - ասել է Մերկելը:
Կանցլերը նաեւ նշել է, որ Գերմանիան եւ Թուրքիան պետք է միավորեն ջանքերը ահաբեկչության դեմ պայքարի համար: Դա հատկապես կարեւոր է Ստամբուլի ահաբեկչությունների ֆոնին, որի հետեւանքով զոհվել էր Գերմանիայի 10 քաղաքացի:
Մերկելի խոսքով՝ Թուրքիան մի օր նոր էջ կբացի Եվրամիության անդամակցության իր պատմության մեջ, սակայն մինչ այդ դեռ երկար ճանապարհ կա անցնելու:
