Ստամբուլում մեկնարկում է թյուրքալեզու պետությունների ղեկավարների գագաթաժողովը: Սպասվում է, որ 6 մասնակիցներից հանդիպմանը ներկա կլինեն հինգ պետությունների՝ Թուրքիայի, Ղազախստանի, Ադրբեջանի, Թուրքմենստանի, Ղրղըզստանի ղեկավարները: Ուզբեկստանի նախագահի փոխարեն ներկա կլինի նրա ներկայացուցիչը:
Հանդիպմանը ծրագրվում է քննարկել թյուրքալեզու երկրների գործարար խորհրդի ստեղծումը: Ըստ պայմանավորվածությունների, ստեղծվելու է պետությունների ղեկավարների, արտգործնախարարների, ավագ պաշտոնատար անձանց, աքսակալների խորհուրդներ եւ քարտուղարություն: Քարտուղարությունը տեղակայված կլինի Ստամբուլում, եւ նրան կհատկացվի պատմական շենքերից մեկը:
Ղրղըզստանի նախագահ Ռոզա Օթունբաեւան արդեն մեկնել է Թուրքիա:
Գագաթաժողովը կավարտի իր աշխատանքները սեպտեմբերի 16-ին:
Թյուրքալեզու պետությունների ղեկավարների առաջին գագաթաժողովը կայացել է 1992թ. Անկարայում: Վերջին հանդիպումը բարձր մակարդակով կայացել է 2009թ. Նախիջեւանում:
