ԵՏՄ-ին Ադրբեջանի անդամակցության հարցով բանակցություններ չեն ընթանում։ Այս մասին փետրվարի 8-ին կայացած Մոսկվա-Աստանա-Երեւան մամուլի ասուլիսի ժամանակ ասել է Եվրասիական տնտեսական հանձնաժողովի ինտեգրացիայի եւ մակրոէկոնոմիկայի հիմնական ուղղություններով կոլեգիայի անդամ Տատյանա Վալովայան։
«Ադրբեջանի կողմից նույնպես դիմում չի եղել, ուստի որեւէ քննարկում օրակարգում չկա»,- ընդգծել է նա։
Այդուհանդերձ նախարարը նշել է, որ ԵՏՄ-ն եւ նրա անդամները շահագրգռված են ԱՊՀ բոլոր երկրների հետ համագործակցության ընդլայնման հարցով։ «Նման համագործակցությունը մի շարք առավելություններ է տալիս, այդ թվում՝ ԱՊՀ-ի հետ ազատ առեւտրի գոտու գործարկման համար»,- հավելել է Վալովայան։