![](img/news/31/12/18/default.jpg)
Թայվանում տեղի ունեցած երկրաշարժի զոհերի թիվը հասել է 94-ի, հայտնում է CCTV-ն։ Անհետ կորած է համարվում 28 մարդ։ Ավելի վաղ հայտնում էին 55 զոհի մասին։
Զոհերի մեծ մասի մարմինները գտել են 17-հարկանի շինության փլատակների տակ։ Շենքի կառուցապատող Golden Dragon Building ընկերության ներկայացուցիչները կալանավորվել են անուշադրության պատճառով մարդկանց կյանքեր խլելու մեղադրանքով, հայտնում է Reuters-ը։ Նախնական տեղեկություններով՝ բազմահարկ շենքը փլուզվել էր անորակ շինանյութ օգտագործելու եւ շինարարության կանոնները խախտելու պատճառով, փոխանցում է Lenta-ն։