Երեւանի ավագանու «Բարեւ Երեւան» խմբակցության անդամ, «Ժառանգության» անդամ, նախկին պատգամավոր Անահիտ Բախշյանն ափսոսում է, որ Արմեն Աշոտյանը հրաժեշտ է տալիս ԿԳ նախարարի պաշտոնին:
Նա Facebook-ի իր էջում, մասնավորապես, գրել է.
«Ես ափսոսում եմ, պարոն Աշոտյանն արդեն լիովին տիրապետում էր ոլորտին ու դիմացինին լսելու, լսածի մեջ իրեն անհրաժեշտ ինֆորմացիան արագ ընկալելու, կիրառելու, ստեղծագործելու ունակություններով երիտասարդ եւ աշխատասեր նախարար էր:
Ինձ համար շատ կարեւոր էր նաեւ այն, որ իր մասին ցանկացած քննադատություն հանգիստ էր լսում, քեն չէր քշում ու այդ քննադատության թեմայի շուրջ, առանց ջղաձգումների, կարող էր հետդ խոսել ու հակառակի մեջ համոզել կամ չհամոզել: Անձամբ այս ամենը տեսել ու զգացել եմ իր հետ աշխատելու 8 տարիների ընթացքում: Հիշեցնեմ, որ նախարար Արմեն Աշոտյանին ոլորտի բացթողումների վերաբերյալ առարկայական քննադատողներից մեկը ես եմ եղել:
Պարոն Աշոտյան, ես շնորհակալ եմ մեր 8-ամյա արդյունավետ համագործակցության համար»:
Նշենք, որ ՀՀԿ-ՀՅԴ համագործակցության շրջանակում, ԿԳ նախարար է նշանակվելու ՀՅԴ-ից Լեւոն Մկրտչյանը:
