Ահաբեկիչները կարող են ԱՄՆ-ում հարձակումներ պլանավորել: Այս մասին հայտարարել է ԱՄՆ Կենտրոնական հետախուզության վարչության տնօրեն Ջոն Բրենանը, հաղորդում է Gazeta-ն՝ վկայակոչելով CBS-ը:
«Ես սպասում եմ, որ նրանք կփորձեն Ամերիկա հասցնել իրենց անձանց, նյութեր եւ այն ամենը, որ անհրաժեշտ կլինի հարձակումներ կազմակերպել, կամ ներգրավել մարդկանց նման հարձակումների անցկացման գործում»,-ասել է նա:
Բրենանը նշել է, որ նման գործողություններով ահաբեկիչները փորձում են հակամարտություն սադրել Արեւմուտքի եւ մահմեդական աշխարհի միջեւ, ապա ընդգծել, որ հայտարարությունները, թե ԱՄՆ-ն ցանկանում է իր վերահսկողության տակ առնել իրենց երկրները, հեռու են իրականությունից:
