«Գահերի խաղը» սերիալի աստղերը կոչ են արել օգնել փախստականներին: Դերասանների մասնակցությամբ տեսահոլովակը հրապարակվել է Փրկության միջազգային կենտրոնի YouTube կայքում:
Տեսահոլովակում մասնավորապես նկարահանվել են Լինա Հիդին (Սերսեա Լաննիսթեր), Սոֆի Թերները ( Սանսա Ստարոկը), Մեյսի Ուիլյամսը ( Արյա Սթարք), Նիկոլայ Քոսթեր Վալդաուն (Ջեյմե Լաննիսթեր) ու Ջոն Բրեդլին ( Սեմվել Թարլի), գրում է Gazeta–ն:
Ինչպես նշում են տեսահոլովակում՝ փախստականները, այդ թվում երեխաները, ստիպված են ձեռնարկում իրենց կյանքի ամենաավտանգավոր ճամփորդությունը, եւ դա ոչ թե հորինված պատմություն է, այլ իրականություն: Դերասանները կոչ են անում փախստականներին օգնություն ցուցաբերելու նպատակով նվիրատվություններ փոխանցել Փրկության միջազգային կենտրոնին:
