Մենք Netflix-ի համար ֆիլմեր նկարահանելու հուշագրեր ունեինք։ Այս մասին ԱԺ-ում Գիտության, կրթության, մշակույթի, սփյուռքի, երիտասարդության և սպորտի հարցերի մշտական խորհրդարանական հանձնաժողովի նիստում՝ Կառավարության 2021-2026 թվականների ծրագրի առաջընթացի և արդյունավետության հաշվետվության քննարկման ժամանակ՝ մարտի 22-ին ասաց ՀՀ կրթության, գիտության, մշակույթի և սպորտի նախարար Ժաննա Անդրեասյանը։
Նրա խոսքով, հայկական ֆիլմերի մասնակցությունը տարբեր միջազգային կինոփառատոներին աճել է 74 տոկոսով։
«Մեր 10 ֆիլմերը, որոնք մասնակցել են 110 կինոփառատոների, ստացել են 28 մրցանակներ»,- ասաց նախարարը։
Անդրեասյանն ընդգծեց. այս տարածքը հետագա զարգացման հսկայական ներուժ ունի։