ՄԱԿ-ի Հայաստանի ներկայացուցչությունում Հայաստանի ԱԳ նախարար Էդվարդ Նալբանդյանն ընդունել է Կոսովոյի արտգործնախարար Սկենդեր Հուսեինին` վերջինիս խնդրանքով։
«Ազատություն» ռադիոկայանիի Կոսովոյի ծառայությունը հաղորդում է, որ արտգործնախարարների հանդիպման ընթացքում Կոսովոն եւս մեկ անգամ խնդրել է Հայաստանին ճանաչել իր անկախությունը։ Սկենդեր Հուսեինը նշել է, որ Արդարադատության միջազգային դատարանը կողմ է արտահայտվել Կոսովոյի անկախությանը, իսկ ՄԱԿ-ի Գլխավոր ասամբլեան բանաձեւ ընդունել, որով ողջունել է այդ որոշումը։
Իր հերթին Հայաստանի ԱԳ նախարարը հայտարարել է, որ «Հայաստանը ողջունում է Արդադատության միջազգային դատարանի վճռը եւ կշարունակի գործակցումն ու հանդիպումները Կոսովոյի հետ»։
Հայաստանի արտգործնախարարությունից հայտնել են, որ Էդվարդ Նալբանդյանը նշել է, թե չնայած Հայաստանը չի ճանաչել Կոսովոն, սակայն նմանատիպ բնույթի հանդիպումներն օգտակար են կարծիքների փոխանակման համար։
