![](img/news/03/21/55/default.jpg)
Ֆրանսիայի արտգործնախարար Բեռնար Քուշները հոկտեմբերի 11-12-ին կայցելի Թուրքիա, հաղորդում է Anadolu գործակալությունը: Ֆրանսիական ԱԳՆ-ի ղեկավարի այցը նպատակ ունի հստակեցնել Ֆրանսիայի նախագահ Նիկոլա Սարկոզիի այցի մանրամասները:
Այցի ընթացքում Քուշները քննարկելու է Ֆրանսիայի բացասական պատասխանը Թուրքիայի անդամակցությանը Եվրամիությանը իր թուրք գործընկեր Ահմեդ Դավութօղլուի հետ, քննարկվելու են նաեւ երկկողմ եւ տարածաշրջանային հարցեր:
Թուրքիայի վարչապետ Ռեջեփ Թայիփ Էրդողանը Փարիզ կատարած այցի ընթացքում՝ ապրիլին Սարկոզիին հրավիրել էր Թուրքիա: Ֆրանսիայի նախագահն ընդունել էր հրավերը եւ հայտնել, որ կարող է այցելել Թուրքիա նոյեմբերից հետո: