Այս պահին դժվար է կանխատեսել, թե ինչ կլինի, սակայն հակառակորդի զորքը զինված կանգնած է: Այս մասին NEWS.am-ի թղթակցին ասաց ՀՀ պաշտպանության նախարարի մամուլի խոսնակ Արծրուն Հովհաննիսյանը:
«Այս պահին հակառակորդի զորքը զինված կանգնած է, նույնիսկ հրապարակվեց, որ հակառակորդի զորքի շարժը նկատվում է, բայց որեւէ բան չենք կարող կանխատեսել, թե ինչ կլինի: Մենք էլ ենք կազմ եւ պատրաստ»,- ասաց Արծրուն Հովհաննիսյանը:
Հիշեցնենք, որ ապրիլի 1-ի լույս 2-ի գիշերվանից իրավիճակը ղարաբաղա- ադրբեջանական շփման գծում սրվել էր: Ադրբեջանական կողմը լայնածավալ ռազմական գործողություններ էր սկսել շփման գծում: Հայկական կողմը կարողացավ արժանի հակահարված տալ հակառակորդին: Երկու կողմերից կան զոհեր եւ վիրավորներ:
Ապրիլի 5-ին Մոսկվայում Հայաստանի եւ Ադրբեջանի Զինված ուժերի շտաբների պետերը կրակի դադարեցման մասին պայմանավորվածություն են ձեռք բերել: