Դեֆոլտի վիճակում գտնվող ամերիկյան նավթագազային ընկերությունների թիվը շարունակում է աճել ու արդեն հասել է ռեկորդային նիշերի, գրում է Financial Times–ը:
Fitch-ի տվյալներով, անցած տարվա ընթացքում սպեկուլյատիվ մակարդակի պարտքերով ամերիկյան նավթագազային ընկերությունների 13 տոկոսը սնանկացել է, չնայած մեկ տարի առաջ այդ ցուցանիշը կազմում էր ընդամենը 2 տոկոս: Վերջին երեք օրում իրենց սնանկ են հայտարարել եւս երկու ընկերություններ՝ Ultra Petroleum-ը եւ Midstates Petroleum-ը:
Վերլուծաբանների կանխատեսումներով, այս ցուցանիշը մինչեւ 2016-ի վերջը կարող է հասնել 20 տոկոսի: Invesco ընկերության փորձագետ Սքոթ Ռոբերթսը պարբերականին հայտնել է, որ դեֆոլտների թիվը շարունակելու է աճել, քանի որ շատ ընկերությունների կապիտալների կառուցվածքը թույլ չի տալիս նրանց աշխատել նավթի համար 45 դոլար գնի պայմաններում:
