Անտառային ուժեղ հրդեհները կանադական Ֆորտ Մակ-Մյուրեյ քաղաքը կտրել են ցամաքային հաղորդակցության ուղիներից: Քաղաքում դեռեւս հազար մարդ կա, որոնք չեն հասցրել տարհանվել:
«Հաղորդագրությունը այն ճանապարհի մասին, որով տեղի էր ունենում տարհանումը, ընդհատվել է 60 մետր բարձրությամբ հրդեհի հետեւանքով», — հայտնում է BBC-ն:
Այդ կապակցությամբ իշխանությունները օդով են իրականացնում բոլոր նրանց տարհանումը, որոնք չեն լքել քաղաքը: Տեղի իշխանությունները նշել են, որ որոշ բնակիչներ ամբողջությամբ անտեսել են քաղաքի բնակչության տարհանման հայտարարությունը, հայտնում է «ՌԻԱ Նովոստին»:
Չոր, շոգ եղանակի պատճառով խոշոր անտառային հրդեհը սկսվել է Կանադայի արեւմուտքում` Ալբերտի նահանգում մի քանի օր առաջ: Հրդեհները մոլեգնում են Ֆորտ Մակ-Մյուրրեյ քաղաքից անմիջական հեռավորության վրա: Քաղաքում մոտ 1,6 հազար տուն է այրվել: Տուժածների մասին տեղեկատվություն առայժմ չի ստացվել:
Ալբերտի նահանգի իշխանությունների տվյալներով, հրդեհման 49 օջախի մարման գործողություններում հրշեջ ծառայության ավելի քան 1110 աշխատակից է գործարկվել, 145 ուղղաթիռ, ծանր անտառահրշեջ տեխնիկայի 138 միավոր եւ 22 ինքնաթիռ:
