Հայաստանը հույս ունի, որ հունիսի 2-ին Գերմանիան պատմական առաքելություն կկատարի: Այդ մասին մայիսի 24-ին հայտնել է Հայաստանի խորհրդարանի փոխնախագահ Էսուարդ Շարմազանովը իր գերմանացի գործընկեր Էդելգարդ Բուլմանի հետ համատեղ ճեպազրույցին:
Նա հիշեցրել է, որ հունիսի 2-ին Բունդեսթագը պետք է քննարկի Օսմանյան կայսրությունում Հայոց ցեղասպանության մասին բանաձեւը, որը միասին կկազմեն Բունդեսթագի մի քանի խմբակցություն եւ գերմանացի գործընկերներին շնորհակալություն է հայտնել այդ նախաձեռնության համար:
«Մենք կարծում ենք, որ միայն դատապարտմամբ մենք կարող ենք կանխարգելել նոր ցեղասպանությունները: Ժխտումը եւ լռությունն այսօր հավասար են հանցագործությունների կրկնությանը: Մենք հույս ունենք, որ հունիսի 2-ին մեր գերմանացի գործընկերներն ավելի մեծ առաքելություն կկատարեն` ճանաչելով Հայոց ցեղասպանությունը», - հայտնել է Շարմազանովը:
