Գերմանիայի կանցլեր Անգելա Մերկելը իր կուսակցության հետ համերաշխ է այն հարցում, որ Օսմանյան Թուրքիայում հայերի ջարդերը ցեղասպանություն էին: Այս մասին ասել է Գերմանիայի կառավարության պաշտոնական ներկայացուցիչ Քրիստիանե Վիրցը:
Սակայն, նրա խոսքով, Մերկելը ներկա չի լինի հունիսի 2-ին Բունդեսթագում քվեարկությանը, քանի որ նրա գրաֆիկում այլ պաշտոնական միջոցառումներ կան, հայտնում է Local-ը:
Հիշեցնենք, որ հունիսի 2-ին Բունդեսթագը կքվեարկի ՔԴՄ/ՔՍՄ կոալիցիայի, սոցիալ-դեմոկրատական կուսակցության ու Կանաչների ներկայացրած բանաձեւի հարցով, որը 101 տարի առաջ Օսմանյան կայսրությունում հայերի ու մյուս քրիստոնյաների ջարդերը ցեղասպանություն է որակում:
