Լոռու մարզի Շահումյան գյուղում, որտեղ այսօր՝ հունիսի 27-ին, տներ էին փլուզվել հորդառատ անձրեւի հետեւանքով առաջացած սողանքի պատճառով, ոչ մեկ չի տուժել: Այս մասին NEWS.am-ին հայտնեցին ԱԻՆ լրատվական ծառայությունից:
ԱԻՆ-ից հայտնեցին, որ երկու չբնակեցված առանձնատուն է սահել, վիճակը դեռ մնում է սողանքային:
Հիշեցնենք, որ ԱԻՆ-ում ժամը 10.42-ին տեղեկատվություն էր ստացվել, որ Շահումյան գյուղի Ամառանոցային 4-րդ փողոցի թիվ 10 փակուղու 16-րդ և 18-րդ տները հորդառատ անձրևների հետևանքով առաջացած սողանքի պատճառով կրել են նյութական մեծ վնաս, իսկ նույն փողոցում գտնվող մնացած 4-ը շարունակում են մնալ վտանգային գոտում: