Google ընկերությունը աշխատանքներ է տանում ռոբոտ ստեղծելու ուղղությամբ, որը կարող է հասկանալ մարդկային ցանկացած խոսք։ Մարդկային խոսքը հասկացող ալգորիթմ ստեղծելու ուղղությամբ աշխատել են Google Brain–ի աշխատակիցները, հայտնում է Informing–ը։
Նրանց ստեղծած արհեստական ինտելեկտի առանձնահատկությունն այն է, որ այն «հասկանում է» ոչ միայն իդեալական կազմած խոսքը, այլ նաեւ խառը կամ սխալ արտաբերած բառերը։
Այդ տեխնոլոգիան օգտագործում են նորագույն ռոբոտներ ստեղծելիս։ Մասնագետները մտադիր են ռոբոտներ ստեղծել, որոնք առավելագույնս կկրկնօրինակեն մարդկանց պահվածքը եւ կկարողանան թեթեւ «շփվել» մարդու հետ։
Հիմա արդեն ինժեներները կարողացել են ստեղծել ռոբոտներ, որոնք կարող են կարդալ եւ պատասխանել որոշ հարցերի եւ անգամ բանաստեղծություններ հորինել։ Պոետ ռոբոտի բառապաշարը դեռ ընդամենը 20 հազար բառ է։ Այդուհանդերձ նա հեշտությամբ ընտրում է տվյալ արտահայտության համար հոմանիշների առավելագույն քանակը։
