Իրաքը բանակցություններ է վարում Exxon Mobil–ի եւ PetroChina–ի հետ երկրի հարավում 2 նավթահանքերի մշակման հարցով, գրում է Bloomberg–ը։
Նախագծերը Իրաքին թույլ կտան նավթի հանքահանման ամենօրյա ծավալները պահպանել օրական 4.8 մլն բարելի վրա մինչեւ 2016-ի վերջը։ Հանքավայրերի մշակման առաջարկն արել են Artawi–ն եւ Nahran Omar–ը։ Նավթի նախարարության տվյալներով՝ դրանք կարող են օրական 500 հազար բարել նավթ ապահովել։ Նախարարությունը պլանավորում է նախագծերից մեկը գործարկել 6 ամսվա ընթացքում։
Իրաքը ՕՊԵԿ–ի՝ մեծությամբ 2-րդ երկիրն է։ Օրական Իրաքն արդյունահանում է 4.78 մլն բարել նավթ։
