![](img/news/33/93/63/default.jpg)
ՊՊԾ գնդի շուրջ ստեղծված իրավիճակի հարցով ԱԺ արտահերթ նստաշրջան հրավիրելու ձեւաթղթի տակ այս պահին ստորագրել է 13 պատգամավոր:
ԱԺ արտահերթ նստաշրջան հրավիրելու նախաձեռնության տակ ստորագրել են Թեւան Պողոսյանը, Լեւոն Զուրաբյանը, Զարուհի Փոստանջյանը, Խաչատուր Քոքոբելյանը, Ռուբիկ Հակոբյանը, Ալեքսանդր Արզումանյանը, Ստեփան Դեմիրճյանը, Լյուդմիլա Սարգսյանը, Էլինար Վարդանյանը, Վարդան Օսկանյանը, Ստեփան Մարգարյանը, Վահե Հովհաննիսյանը եւ Նիկոլ Փաշինյանը:
Նշենք, որ նման նախաձեռնությամբ հանդես էր եկել ՀԱԿ խմբակցության պատգամավոր Նիկոլ Փաշինյանը:
ԱԺ արտահերթ նիստ գումարվում է պատգամավորների ընդհանուր թվի մեկ/երրորդով, այսինքն 44 պատգամավորների ստորագրությամբ:
Ստորագրություններով ձեւաթուղթը ներկայացնելու ժամկետը լրանում է ժամը 17:00-ին: