Միչիգանի համալսարանի գիտաշխատողները հանգել են եզրակացության, որ երկրի մթնոլորտի համար բիովառելիքը բենզինից ավելի վնասակար է: Այս մասին գրում է Informing-ը:
Գիտնականները նշել են, որ բիովառելիքի օգտագործումը հանգեցնում է ջերմոցային գազերի ավելացմանը, այլ ոչ նվազմանը:
Նշենք, որ ներկայում բիովառելիքի պատրաստման համար հումք են ծառայում սոյան կամ սեւուկը, քանի որ դրանք ածխածնային ցիկլում «չեզոք» են համարվում. կլանում են նույնքան CO2, որքան մթնոլորտ են արտանետում բիովառելիքի այրման դեպքում:
Ամերիկյան քիմիկոսները որոշել են վերստուգել այս տվյալները եւ պարզել, որ վերոնշյալ բույսերը կարող են կլանել ածխաթթու գազի միայն 37%-ը, որն արտադրվում է շարժիչում բիովառելիքի այրման դեպքում:
Ստացված տվյալների հիման վրա նրանք հանգել են եզրակացության, որ շրջակա միջավայրի վրա բիովառելիքի ազդեցությունն ավելի պակաս կործանարար չէ, քան բենզինը:
