Թուրքիայի վարչապետ Ռեջեփ Թայիփ Էրդողանը հոկտեմբերի 13-ին Իսրայելի կառավարությունից պահանջել է փոխհատուցում վճարել եւ պաշտոնապես ներողություն խնդրել «Ազատության նավատորմի» գրոհի ժամանակ սպանված թուրք ակտիվիստների համար։
«Քանի դեռ Իսրայելը փոխհատուցում չի վճարել եւ ներողություն չի խնդրել, Մերձավոր Արեւելքում խաղաղություն չի լինի եւ Իսրայելը նախկինի նման միայնակ կմնա»,-ասել է երկօրյա պաշտոնական այցով Պակիստանում գտնվող Էրդողանը։
Նշենք, որ 2010թ. մայիսին Իսրայելի ռազմածովային ուժերը գրոհով վերցրել էին Գազայի հատված օգնություն տեղափոխող «Ազատության նավատորմի» նավերը: Սպանվել էին գործողության 9 մասնակիցներ, բոլորն էլ թուրքեր:
