Արարատի մարզի Նոր Կյուրին գյուղի ճանապարհին ընկերոջ կնոջը սպանելու համար 13 տարվա ազատազրկման դատապարտված Սերգեյ Գրիգորյանի պաշտպանը դիմել է ՀՀ վերաքննիչ քրեական դատարան՝ Արարատի եւ Վայոց ձորի մարզերի ընդհանուր իրավասության դատարանի կայացրած որոշումն ամբողջությամբ բեկանելու համար:
Ինչպես NEWS.am-ը տեղեկանում է Դատական տեղեկատվական համակարգից, դատական նիստը տեղի կունենա սեպտեմբերի 9-ին:
Ավելի վաղ տեղեկացրել էինք, որ 2014թ. մայիսի 7-ին, ժամը 23.30-ին, Ոստիկանության Մարաշի բաժանմունք դիմած քաղաքացին հայտնել է, որ կինը՝ 50-ամյա Վարդուհի Գրիգորյանը անհետացել է: Պարզվել է, որ 56-ամյա Սերգեյ Գրիգորյանը Սերգեյ Գրիգորյանը իր մեքենայով սպանված Վարդուհի Գրիգորյանի հետ այդ օրը մեկնել է Արարատի մարզի Նոր Կյուրին գյուղ: Ճանապարհին անսպասելիորեն վեճ է ծագել. ըստ ամբաստանյալի՝ Վարդուհին Գրիգորյանից 10 հազար դոլար գումար է ուզել եւ մերժում ստացել: Նրանք սկսել են վիճաբանել, գյուղի ճանապարհին նա կանգնեցրել է մեքենան եւ «Բրաունինգ» տեսակի ատրճանակով կրակել կնոջ վրա:
Նա կնոջ դին տարել թաղել է Նոր Կյուրին գյուղի ամառանոցային տարածքում ու վերադարձել Երեւան:
