Հայաստանի օրենսդրությունը չի արգելում արտասահմանյան ինտերնետ կազինոներին աշխատել մեր երկրում։ Սակայն անփոփոխ է մնում նրանց արտոնագրման պահանջը։ Այս մասին սեպտեմբերի 15-ին խորհրդարանում ասել է ֆինանսների առաջին փոխնախարար Պավել Սաֆարյանը՝ ներկայացնելով «Արտոնագրման մասին» օրենքում փոփոխությունների նախագիծը։

Հանրապետությունում արդեն գործում են օնլայն կազինոներ եւ խաղեր։ Սակայն Հայաստանի իշխանությունները որոշել են ոչ թե արգելել դրանք, այլ պարտադրել արտոնագրվել տեղականների հետ հավասար։

Հիշեցնենք, որ 2017-ի հունիսի 1-ին ընդունված օրինագծի համաձայն՝ ինտերնետ կազինոների արտոնագրման գործընթացը կդառնա նույնքան խիստ, որքան սովորական կազինոներինը։