Արժույթի միջազգային հիմնադրամը հայտնել է, որ Բրազիլիայում տնտեսական անկումն ավարտին է մոտենում. ակնկալվում է, որ աճը կվերականգնվի 2017 թվականին, չնայած կմնա ցածր` 0,5 տոկոսի մակարդակում, հայտնում է «Սինհուան»:
«Աճը պետք է վերականգնվի 2017 թվականին: Առաջին նշաններն են հայտնվել, որ անկումն ավարտին է մոտենում», - ասված է ԱՄՀ-ի հայտարարության մեջ, որն ավելի վաղ 2016 թվականին 3,3 տոկոսի կրճատում էր կանխատեսել: «Կանխատեսումը հիմնվում է այն ենթադրության վրա, որ ֆինանսական ծախսերի սահմանափակումը եւ սոցապահովության բարեփոխումները կհաստատվեն ողջամիտ ժամկետներում, իսկ կառավարությունը նախանշված ֆինանսական նպատակներին կհասնի 2016-2017 թթ-ին», - նշված է հայտարարության մեջ:
ԱՄՀ-ի գնահատականի համաձայն, եթե այդ պայմանները կատարվեն, անորոշությունը պետք է նվազի, իսկ ներդրումները` վերականգնվեն, ինչը 2016 թվականի վերջին դա աճի վերականգնման կհանգեցնի:
Այնուամենայնիվ, աճի տեմպերը դանդաղ կլինեն, որովհետեւ «տնտեսական ակտիվության ավելի արագ վերականգնմանը խանգարում են կորպորատիվ ավելցուկային վարկավորումը, գործազրկության բարձր մակարդակը եւ տնային տնտեսությունների փոքր բյուջեները»:
