Jaguar ընկերությունը նոր սերնդի XF ունիվերսալի առաջին պատկերն է հրապարակել: Պատկերում Sportbrake անվանումով մեքենան քողարկմամբ է ծածկված: Autonews-ի տվյալներով, մեքենայի պրեմիերան պետք է տեղի ունենա եկող տարվա առաջին կեսին: 

Ունիվերսալը կկառուցեն նույն ալյումինե կառուցվածքով, ինչ սեդանը: Նորույթի շարժիչային գամմայի մեջ կմտնի 2,0 լիտրանոց դիզելային շարժիչ: Հաճախորդներին կառաջարկեն նաեւ 3,0 լիտրանոց դիզելային եւ բենզինային V6 շարժիչներ: Ագրեգատների հզորությունը 170-ից 380 ձիաուժ կկազմի: Շարժիչները կաշխատեն միաժամանակ վեցաստիճանանի մեխանիկական տուփի եւ ութաստիճանանի  «ավտոմատի» հետ: