Հոկտեմբերի 2-ը Սոցիալական մանկավարժի միջազգային օրն է: 2009-ի մայիսին Կոպենհագենում կայացավ սոցիալական մանկավարժների 18-րդ միջազգային գիտաժողովը, որին մասնակցում էր 44 երկիր, փոխանցում է Calend-ը:

Գիտաժողովը հատկանշական էր նրանով, որ այնտեղ որոշում կայացվեց հոկտեմբերի 2-ը սահմանել Սոցիալական մանկավարժի միջազգային օր: Նշենք, որ սոցիալական մանկավարժություն է կոչվում այն գիտությունը, որն ուսումնասիրում է դաստիարակությունը սոցիալիզացիայի ենթատեքստում, այսինքն՝ հաշվի է առնում շրջակա միջավայրի ազդեցությունը անհատի ձեւավորման վրա: