Մեծ Բրիտանիայի վարչապետ Թերեզա Մեյը հայտարարել է, որ Բրիտանիան չի սպասի 2017 թվականի սեպտեմբերին Գերմանիայում նախանշված խորհրդարանական ընտրություններին՝ Եվրամիությունից երկրի դուրս գալու գործընթացը սկսելու համար: Այս մասին գրում է ՌԻԱ Նովոստին:
Նա նաեւ բացառել է Բրիտանիայում արտահերթ ընտրությունների անցկացման հնարավորությունը՝ հայտարարելով, որ դա կհանգեցնի «անկայունության»: «Մենք թագուհու հաջորդ ուղերձում կներկայացնենք Չեղարկման Մեծ ակտը, որը կվերացնի Եվրոպական համայնքների մասին օրենքը»,- նշել է նա:
Հունիսի 23-ին անցկացված հանրաքվեի ընթացքում բրիտանացիների մեծ մասը կողմ արտահայտվեց ԵՄ-ի կազմից Մեծ Բրիտանիայի դուրս գալուն:
