Աֆղանստանի հարավային Հիլմենդ նահանգում վերջին երկու օրվա ընթացքում 24 թալիբի են ոչնչացրել: Այս մասին հաղորդում է Սինխուա գործակալությունը:

Թալիբների դեմ գործողություն է իրականացվում Նավա, Մարժա եւ Չախ-ի-Անջիր շրջաններում: Մի քանի զինյալներ վիրավորվել են: Երկրի անվտանգության ուժերի շրջանում կորուստների մասին տեղեկություններ չկան:

Նշվում է, որ գործողությունը շարունակվելու է՝ մինչեւ այդ շրջանում զինյալների ամբողջական ոչնչացումը: