Իսրայելում 6 պաղեստինցու են ձերբակալել, որոնք, ենթադրաբար, կապ ունեն «Իսլամական պետություն» ահաբեկչական խմբավորման հետ: Այս մասին հաղորդում է NEWSru Իսրայելը:
Երուսաղեմի դատախազության տեղեկացմամբ՝ ձերբակալված քաղաքացիները մեղադրվում են այն բանում, որ 2015-2016 թվականներին ծրագրել են միանալ Սիրիայում գործող ԻՊ-ի զինյալներին, ինչպես նաեւ ահաբեկչություններ ծրագրել Երուսաղեմում եւ Թել Ավիվում:
Ոստիկանությունում, միաժամանակ, ընդգծել են, որ բոլոր 6 անձինք, հավանաբար, ԻՊ-ի բջիջներից մեկի անդամ են եղել, որը գործել է Երուսաղեմի արեւելքում գտնվող Շուաֆաթ փախստականների ճամբարի մերձակայքում: