![](img/news/34/95/46/default.jpg)
Վայրի բուսական եւ կենդանական աշխարհի անհետացող տեսակների վաճառքի մասին կոնվենցիայի (СITES) Հարավ Աֆրիկյան Հանրապետությունում անցկացվող կոնֆերանսի պատգամավորները կողմ են քվեարկել աֆրիկական գորշ թութակների միջազգային վաճառքի արգելքին:
Վայրի բնության համաշխարհային հիմնադրամը (WWF) ողջունել է այս որոշումը՝ այն վիթխարի առաջքայլ համարելով թռչունների հազվագյուտ տեսակների պաշտպանության գործում: Այս մասին հայտնում է BBC-ն:
Աֆրիկական գորշ թութակները (ժակո) հայտնի են մարդկային խոսքը վարպետորեն նմանակելու իրենց ունակությամբ, այդ իսկ պատճառով թութակներին հաճույքով գնում են տանը պահելու համար: Վերջին տարիներին ժակոյի պոպուլյացիան կտրուկ կրճատվել է ընդլայնվող որսագողության հետեւանքով, նաեւ Արեւմտյան Աֆրիկայի անտառների աստիճանական վերացման պատճառով, որոնք թութակների բնական ապրելավայրն են: