Մոսկվա-Երեւան երթուղու ավտոբուսի վթարի հետեւանքով զոհված Հայաստանի քաղաքացի Արեւիկ Լունոնյանի մարմինը, որն Ուկրաինայում էր բնակվում, ազգականները տարել են: Այս մասին ՌԻԱ Նովոստիին հայտնել է ԱԻ նախարարության Հյուսիսային Օսիայի գլխավոր վարչության ներկայացուցիչը:
Նա տեղեկացրել է, որ ազգականներին են հանձնել նաեւ մյուս երեք զոհերի՝ Ռոստովի մարզի բնակիչների աճյունները:
Հոկտեմբերի 14-ին, ժամը 04:30-ին Հյուսիսային Օսիայում Մոսկվա-Երեւան երթուղու ավտոբուսի վթարի հետեւանքով 5 մարդ է զոհվել, որոնցից երկու Հայաստանի քաղաքացիներ են, երեքը՝ Ռուսաստանի:
Լունոնյան Ա.Պ., ծնվ. 1960թ., Հայաստանի քաղաքացի
Պողոսյան Յու.Ս., ծնվ. 1960թ., Հայաստանի քաղաքացի
Լազուկին Ա.Վ., ծնվ. 1968թ., Ռուսաստանի քաղաքացի
Պանչենկո Վ.Մ., ծնվ. 1973թ., Ռուսաստանի քաղաքացի
Մամչենկո Ս.Ս., ծնվ. 1999թ., Ռուսաստանի քաղաքացի
ՌԴ ԱԻ նախարարության օդանավը հոկտեմբերի 14-ին Երեւան փոխադրեց վթարի հետեւանքով 29 տուժածների: Հայաստան հասցվեց նաեւ ավտոբուսի զոհված վարորդ Յուրա Պողոսյանի դին: