Վարչապետ Կարեն Կարապետյանի առանձին թիմ գոյություն չունի։ Այս մասին NEWS.am-ի հետ զրույցում ասաց ՀՀԿ խմբակցության ղեկավար Վահրամ Բաղդասարյանը։
«Կարեն Կարապետյանն արդեն մեր թիմի անդամ է, արդեն իսկ իր գործողություններով կազդի թիմի հեղինակության վրա։ Դրական գործողություններով կբարձրացնի կշիռը , բացասական գործողություններով, մենք նաեւ տեր ենք դրան, հեղինակություն առումով կարող է անկում լինել»,-ասաց պատգամավորը։
Հարցին՝ Կարեն Կարապետյանի ՀՀԿ մտնելը ավելի կբարձրացնի կուսկացության կշիռը՝ հաշվի առնելով ՀՀԿ-ի հեղինակության դիֆիցիտը, Բաղդասարյանը նախ շեշտեց, որ իրենց հեղինակության մասին վկայում են ընտրությունների արդյունքները, ապա հավելեց․
«Կարեն Կարապետյանի կուսակցության մտնելու հետ կապված որեւէ բանակցություն չի եղել, կուսակցությունը վստահել է Կարապետյանին, ինքը պետք է որոշում ընդունի՝ անդամակցի, թե ոչ։ Կարեն Կարապետյանի առանձին թիմ գոյություն չունի , կա միասնական թիմ։ Անկախ նրանից կուսակցություն կմտնեն թե ոչ մեր թիմի անդամ են։