Երեւանի «Սուրբ Աստվածամայր» բժշկական կենտրոնում հոկտեմբերի 28-ին նորածին է մահացել: Երեխան հոկտեմբերի 11-ին ծնվել է Երեւանի «Արմենիա» բժշկական կենտրոնում եւ առողջական խնդիրների պատճառով տեղափոխվել «Սուրբ Աստվածամայր» հիվանդանոց:
NEWS.am-ի հետ զրույցում «Սուրբ Աստվածամայր» բժշկական կենտրոնի տնօրեն Նիկոլայ Դալլաքյանը նշեց, որ երեխան ծնվել է անհաս՝ 1,5 կիլոգրամ, ունեցել է կերակրափողի ու շնչափողի արատ:
«Պայքարել ենք կյանքի համար, սակայն, չենք կարողացել փրկել՝ խորը անհաս վիճակում, թոքերի զարգացման լուրջ խնդիրով, կերակրափողի ու շնչափողի արատով: Երեխայի կերակրափողն ի ծնե փակ է եղել, ամեն մի արատն իր հերթին բերել է մահացության: Բացի այդ երեխան նաեւ ծանր շնչառական անբավարարությունով է ծնվել, 17 օր միացված է եղել շնչառական ապարատին, վիրահատել ենք, սակայն, չենք կարողացել կյանքը փրկել»,-ասաց նա: