Եվրախորհրդարանի նախագահ Մարտին Շուլցը դատապարտել է թուրքական ընդդիմադիր թերթի գլխավոր խմբագրի ձերբակալությունը ու հայտնել զանգվածային զտումների մասի, որոնք նրա կարծիքով քաղաքական դրդապատճառներով են։
«Մուրատ Սաբունջուի ու Cumhuriyet –ի մյուս լրագրողների ձերբակալությունները Թուրքիայում խոսքի ազատության խախտման ոլորտում կարմիր գծի եւս մեկ հատում է»,- գրել է Շուլցը Twitter–ում։
Նա հայտնել է, որ հիացած է Թուրքիայի քաղաքացիների քաջությամբ, որոնք երկրում հեղաշրջման փորձից հետո պաշտպանում են ժողովրդավարությունը։ «Մահապատժի վերաբերյալ բանավեճերը, ընդդիմախոս քաղաքապետերի ձերբակալությունները, նշանակումները համալսարանում՝ Թուրքիայի կառավարությունը ձգտում է ավելի շատ բեւեռացման, քան միասնականության»,- գրել է Եվրախորհրդարանի նախագահը։
Նրա խոսքով շարունակվող զանգվածային զտումները կարծես մոտիվացված են քաղաքական նկատառումներով, այլ ոչ թե օրինականության ու անվտանգության շահերով»։