Անկարայի գլխավոր դատախազությունը պարզել է երկրորդ կասկածյալի ինքնությունը, որը, իշխանությունների վարկածի համաձայն, հուլիսյան հեղաշրջման փորձի ժամանակ համակարգել է խռովության պլանն ու ղեկավարել խռովարարներին, գրում է Hurriyet-ը:
Anadolu-ն հայտնում է, որ խոսքը թղթի վերամշակման ընկերության նախկին գլխավոր տնօրեն Քեմալ Բաթմազի մասին է: Նա մեկ այլ կասկածյալի՝ Ադիլ Օքսյուզի հետ մեկնել էր ԱՄՆ՝ իսլամիստ քարոզիչ Ֆեթուլլահ Գյուլենի մոտ, որին Անկարան մեղադրում է ըմբոստություն կազմակերպելու մեջ: Հուլիսի 11-ին Բաթմազը մեկնել էր ԱՄՆ, իսկ 2 օր անց երկու կասկածյալներն էլ վերադարձել էին հայրենիք:
Հետաքննությունը եկել է այն եզրակացության, որ Բաթմազն ու Օքսյուզը ուղղակիորեն կազմակերպել են խռովությունը: Նրանք բնակարաններ էին վարձել, որտեղ հավաքում էին իրենց համախոհներին:
Բաթմազը ձերբակալված է:
