Հայ–ամերիկյան երկկողմ տնտեսական հարաբերությունները շարունակում են ԱՄՆ դեսպանության ուշադրության կենտրոնում մնալ։ Շատ հպարտ ենք, որ վերջին 18 ամիսների ընթացքում ամերիկյան խոշոր ներդրումներ են եել Հայաստանում։ Այս մասին նոյեմբերի 17-ին Երեւանում ասել է ԱՄՆ փոխպետքարտուղարի Եվրոպայի ու Եվրասիայի հարցերով տեղակալ Բրիջիթ Բրինքը։
Նրա խոսքով՝ այս պահին նոր պլանավորված պայմանագրեր չկան, սակայն ԱՄՆ–ը աջակցում է այն բարեփոխումներին, որոնք նպաստում են տնտեսական աճին եւ ներդրումներին։ «Հայաստանը կարող է գրավիչ դառնալ այդ հարցերում։ Եվ այս տարի՝ Հայաստանի 25-ամյակին համատեքստում, կարեւորում ենք մեր աջակցությունը բարեփոխումներին, որոնք ուղղված են անկախության ապահովմանը եւ հակակոռուոպցիոն ջանքերին, դատական համակարգի անկախությանը։ Այս բարեփոխումները նաեւ կարեւորվում են տնտեսական աճի տեսակետից։ Ես անդրադարձ եմ կատարել հայ–ամերիկյան տնտեսական հարցերով հանձնախմբի պայմանավորվածություններին, որոնք ուղղված են Հայաստանում բարեկեցություն ապահովելուն։